Futbollistja e ekipit të femrave Presheva-Bujanoci, Elda Nuredini, është ftuar nga Kombëtarja e Shqirisë për moshat U-16.
16 vjeçarja është ftuar për turneun e UEFA Development që mbahet nga data 7-12 Mars , ku përveç Shqipërisë do të marrin pjesë edhe Kosova, Andorra e Moldavia , e që ndeshjet do të zhvillohen në qendren sportive të ekipeve kombëtare në Kamëz .
Vet futbollistja nga Osllara e Bujanocit, në një pornocim të shkurtër për LUGINALAJM, ka treguar emocionin që ka pas ftesës që ka marrë nga Reprezentacionit të Shqiprisë.
“E dini që para dy apo tri viteve, unë kam qenë e ftuar edhe nga Reprezentacioni i Serbisë, ku njëherit jemi grumbulluar në Nish, mirëpo dëshira ime gjithnjë ka qenë që një ditë të luaj për Shqipërinë apo Kosovën dhe kjo ëndërr tashmë po më realizohet” – tha futbollistja shqiptare Elda Nuredini.
Elda Nuredini është futbollistja e parë shqiptare nga Lugina e Preshevës, respektivisht nga Osllara e Bujanocit, që do të mbrojë ngjyrat kuq e zi të Reprezentacionit të Shqiprisë. Ajo luan si sulmuese, dhe aktualisht është sportistja më e dalluar në Ligën e Dytë rajonale të Serbisë, ligë kjo në të cilën garojnë ekipet e futbollit të femrave nga rajonet e ndryshme./LUGINALAJM
