Kryetari i Këshillit Kombëtar Shqiptar, Enkel Rexhepi, ka bërë një kërkesë të rëndësishme drejtuar Ministrisë së Arsimit të Serbisë, për hapjen e një shkolle të ulët të muzikës në Luginën e Preshevës. Kjo iniciativë synon të ofrojë mundësi për fëmijët e këtij rajoni të zhvillojnë aftësitë e tyre muzikore dhe artistike, duke i afruar ata më shumë me kulturën dhe artin.
Në një postim në Facebook, Rexhepi theksoi rëndësinë e këtij hapi për zhvillimin e arsimit dhe kulturës në Luginë. Ai theksoi se hapja e kësaj shkolle do të ndihmojë në kultivimin e talenteve të rinj dhe do të mundësojë barazi me fëmijët e tjerë të rajonit, duke kontribuar në forcimin e identitetit kombëtar dhe ruajtjen e pasurisë muzikore të komunitetit shqiptar.
“Kjo shkollë do të jetë një hap i rëndësishëm për fëmijët tanë, duke i afruar me artin dhe kulturën, si dhe duke kultivuar talentët e rinj. Arsimi dhe kultura janë shtyllat e forcimit të identitetit tonë kombëtar,” shkruan Rexhepi.
Kjo kërkesë vjen si një nismë për të zhvilluar potencialin e brezave të rinj në Luginën e Preshevës, duke ofruar mundësi për arsimim dhe zhvillim të talenteve muzikore që do të ndikojnë pozitivisht në komunitetin dhe kulturën lokale./LUGINALAJMI/
