Një person nga Prizreni, i moshës 32-vjeçare, ka pësuar lëndime të rënda trupore pas një aksidenti trafiku që ka ndodhur mbrëmjen e kaluar në afërsi të Blacës, komuna e Kurshumlisë.
Sipas njoftimit të Ministrisë së Punëve të Brendshme të Serbisë (MUP), policia në Prokuplje ka arrestuar N. A. (1997) nga Prizreni, nën dyshimin se ka kryer veprën penale “vepra të rënda kundër sigurisë së trafikut publik”.
Dyshohet se ai, duke drejtuar një veturë të tipit “Citroën”, ka kaluar në korsinë e kundërt dhe është përplasur me mbrojtësen metalike të rrugës. Si pasojë e aksidentit, pasagjeri në veturë ka pësuar lëndime të rënda trupore.
Të dyshuarit i është caktuar masa e ndalimit prej 48 orësh dhe pritet që me kallëzim penal të dërgohet në Prokurorinë Themelore Publike në Kurshumli./LUGINALAJMI/
