Pas një sëmundjeje të shkurtër, në moshën 73-vjeçare ka ndërruar jetë Femi Gjymshyti, ish-drejtor, zëvendësdrejtor dhe pedagog shumëvjeçar nga Bujanoci.
Femi Gjymshyti lindi më 14 dhjetor 1953 në Muhoc. Arsimin fillor e kreu në vendlindje, ndërsa shkollën e mesme si pjesë e gjeneratës së parë të nxënësve në Tërnoc. Studimet universitare i përfundoi në Fakultetin Filozofik të Universitetit të Prishtinës, në degën e Pedagogjisë.
Karrierën profesionale e nisi si pedagog në shkollën e mesme “Sezai Surroi” në vitin shkollor 1979/1980. Gjatë viteve të punës ka ushtruar detyrën e drejtorit të kësaj qendre arsimore në vitet 1988 dhe 1989, ndërsa për nëntë vite ka shërbyer si zëvendësdrejtor.
Për një periudhë ka qenë edhe këshilltar pedagogjik në Vranjë, në njësinë e Bujanocit. Më pas, për afro 27 vite, ka punuar si pedagog në shkollën fillore “Naim Frashëri” në Bujanoc.
Gjatë angazhimit të tij në arsim, Gjymshyti u njoh si një profesionist i përkushtuar dhe bashkëpunëtor i afërt me nxënësit dhe stafin arsimor.
Pas vetes ka lënë tre fëmijë: Bekimin, Adelinën dhe Musahun.
Koha e varrimit ende nuk është bërë e ditur. Për detajet e ceremonisë së varrimit, familja pritet të njoftojë në orët në vijim./LUGINALAJMI/
