-Foto është përpunuar me ia-
Përmes një postimi në Facebook, Rexhep Hasani ka vlerësuar kontributin e babait të tij në organizimin politik të shqiptarëve në Luginën e Preshevës, duke theksuar rolin e tij në themelimin e PVD-së, organizimin e protestave të para për të drejtat e shqiptarëve dhe angazhimin e tij në proceset historike kombëtare.
“Sot, me respekt dhe krenari kujtojmë babain tim, Rexhep Hasanin, një nga themeluesit dhe figurat më të rëndësishme të organizimit politik të shqiptarëve në Luginën e Preshevës.
Me guxim dhe vizion, ai dha kontribut të madh në themelimin e partisë së parë në Luginën e Preshevës, PVD-së, në organizimin e protestave të para për të drejtat e shqiptarëve në Luginë dhe jo vetëm, pasi një pjesë të aktivitetit të tij e ka ushtruar edhe për Kosovën tonë, si dhe në themelimin dhe organizimin e Referendumit të 1 dhe 2 Marsit 1992.
Për mua dhe familjen time, ai nuk është vetëm një prind për të qenë krenar, por edhe një shembull i ndershmërisë dhe atdhedashurisë, rrugë të cilën do të mundohem ta trashëgoj në të tria aspektet: si inxhinier, si familjar i përkushtuar dhe si aktivist i çështjes së përgjithshme shqiptare.
Lavdi jetës dhe veprës së tij!”, ka shkruar Rexhep Hasani./LUGINALAJMI/
