Me ftesë të sekretarit të Partisë Socialiste, Blendi Klosi, kryetari i Kuvendit komunal të Bujanocit, Enver Ramadani po merrë pjesë në Kongresin e Partisë Socialiste e cila po zhvillohet në Tiranë nën moton “Shqipëria Europiane 2030”.
“I nderuar në cilësinë e Kryetarit të Kuvendit të marrë pjesë në Kongresin e Partisë Socialiste të Shqipërisë i ftuar nga Sekretari i përgjithshëm i Partisë Socialiste të Shqipërisë Blendi Klosi.
Shqipëria Europiane 2030 është synimi për ngritjen në majet më të larta të Shqipërisë dhe konkurimi me shtetet e Bashkimit Europian në të gjitha sferat e jetës. Një Shqipëri e fortë në Bashkimin Europian garanci për gjithë shqiptarët që jetojnë jashtë trojeve!” – thuhet ndër të tjera në postimin e kryetarit Ramadani.
Kujtojmë që muaj më parë, pas një bashkëpunimi të mirëfillt, kryebashkiaku i Tiranës nga rradhët e Partisë Socialiste Erijon Veliaj, ka mbështetur një projekt infrastrukturor të propozuar nga kryetari Enver Ramadani për ndërtimin e sallës së sporteve në shkollën fillore “Naim Frashëri” në Bujanoc./LUGINALAJMI/
